Халқаро футбол ассоциациялари кенгаши (IFAB) ўйин қоидаларига баъзи ўзгариш ва аниқликлар киритилганини эълон қилди.

Жумладан, елкадан бошлаб қўлтиқ чегараси чизиғигача бўлган қисмга тўп тегса, қоидабузарлик ҳисобланмайди. Қўлтиқ чегараси чизиғидан пастки қисми билан тўп ўйналса, қоидабузарлик ҳисобланади.

Шунингдек, ҳужум қилаётган жамоа ўйинчисининг қўлига тўп рақиб жарима майдони ичида тасодифан тегса, ҳамиша ҳам қоидабузарлик ҳисобланмайди. Энди тўп фақатгина бевосита гол урилиши олдидан ёки голли вазият бошланиши олдидан тасодифан қўлга теккан ҳолатдагина қоидабузарлик ҳисобланади.

Шунингдек, VAR тизими борасида ҳам аниқлик киритилди: ҳакамнинг видеоёрдамчилари бош ҳакамга қарор борасида маслаҳат бериши мумкин, аммо якуний қарор бош ҳакам томонидан чиқарилади.

Офсайд қоидасига тузатиш киритилди. Энди ҳимояланувчи жамоа ўйинчиси тўпни атайлаб қўл билан ўйнаса ҳамда тўп офсайд ҳолатда турган рақиб ўйинчисига келиб тушса, у офсайдда ҳисобланмайди.