Мадриднинг «Атлетико» клуби собиқ бош мураббийи Хавьер Агирре ВВС билан интервьюда Серхио Агуэро фаолиятини мадридда қандай бошлаганини хотирлади.

«Жуда яхши эслайман, у 17 ёшида жамоага келган эди. Серхио катта шаҳарда ёлғиз эди. Унинг учун 20 миллион евро тўланган эди. Мен раҳбарият унинг трансфери билан нотўғри ҳисоблашаётганидан хавотирда эдим.

Агуэро барчасини нолдан бошлаши керак эди. Мавсум бошидаёқ жисмоний тайёргарлик бўйича у муаммоларга дуч келди. Мен Серхиони ўринбосарлар таркибига ўтказишни режалаштираётгандим, аммо матбуот менга жуда катта босим ўтказди.

У тўп билан муомала қила бошлаганида, унга тенг келадиган йўқ эди. Аммо, тўпсиз қолганида майдонда нималар бўлаётганини кузатарди. Биз унинг муҳим ўйинчи эканлигини пайқагандик. Айниқса бу, у жарима майдончасига ёриб кирганида яққол намоён бўлди», — деди Хавьер Агирре.