Франциянинг «ПСЖ» клуби ҳужумчиси Эдинсон Кавани мавсум якунига етгач, жамоани тарк этиши мумкинлиги ҳақида унинг агенти Гильельмоне хабар тарқатди.
«Тўғрисини айтсам, ҳамма нарса содир бўлиши мумкин. Эдинсонга жуда кўплаб клублар қизиқиш билдиришмоқда. «Наполи»дан ҳали ҳеч қандай таклиф бўлмади.
Жанубий Американинг «Фламенго», «Палмейрас», «Интернасьонал» ва «Бока Хуниорс» клубларидан аниқ таклифлар бор.
Эслатиб ўтамиз, Каванининг «ПСЖ» билан тузган шартномаси жорий йилнинг ёзида ўз якунига етади. Икки томон шартномани узайтириш борасида келиша олмади.
