Англиялик мутахассис Жейми Реднаппнинг фикрича, «Тоттенхэм» клуби ҳужумчиси Харри Кейн агар клуб раҳбарияти уни сотишни истамаса, у ҳолда Кейн жамоада қолиши мумкинлигини айтиб ўтди.

«Харри Кейн – муҳим футболчи. Шубҳасиз, у Премьер-лиганинг энг кучли марказий ҳужумчиси. АПЛда ундан кўра кучли ҳужумчи бор деб ўйламайман.

Хўп, у Месси ёки Роналдумасдир, бироқ, ҳеч қайси марказий ҳужумчи унинг олдига қўйилган вазифаларни уддалай олмайди. У «Манчестер Юнайтед»га жуда мос тушади. Бироқ, «МЮ» айни пайтда «Тоттенхэм»дан зўр эмас. Уларнинг орасида катта фарқ бор деб айтмаган бўлардим, икки клуб ҳам кучли тўртликка киришга ҳаракат қилмоқда.

Агар бир кун келиб унга «Реал» ёки «Барселона» клубларидан таклиф бўлиб қолса, Кейн ўтишни исташи мумкин.

Айни пайтда у «Тоттенхэм»га тегишли ва агар Жозе Моуриньо уни сотишни истамаса, у ҳолда Кейн наилож жамоада қолади», – деди Реднапп.