Италиянинг «Интер» клуби ярим ҳимоячиси Марцело Брозовичга Англиянинг «Ливерпуль» клуби жиддий қизиқиш билдирмоқда.
Libero порталининг тарқатган маълумотига қараганда, "қизиллар" раҳбарияти хорватиялик футболчининг агенти билан учрашди ва музокараларни бошлади.
Аввалроқ, Брозовичга Мадриднинг «Реал» клуби қизиқиш билдираётгани ҳақида хабарлар тарқатилганди.
27 ёшли хорватиялик футболчи «Интер» сафига 2015 йилнинг январь ойида Загребнинг «Динамо» жамоасидан келганди.
Брозовичнинг «нерадзуррилар» билан шартномаси 2022 йилнинг ёзигача амал қилади. Унинг шартномасига товон пули Италиялик бўлмаган клублар учун 60 миллион евро этиб белгиланган.
