Мадриднинг "Реал" клуби ва Колумбия терма жамоаси ярим ҳимоячиси Хамес Родригес ёзги трансфер бозорида Англиянинг "Манчестер Юнайтед" клубига кўчиб ўтиши мумкин.
Sport.es сайтининг тарқатган маълумотига қараганда, Хамес учун "Қироллик клуби"да қолиш учун айтарли имконият қолмади, шунинг учун, у ўзининг агентидан янги жамоа топишини сўраган.
Аввалроқ, колумбиялик футболчига "Манчестер Сити" клуби қизиқиш билдирилаётгани ҳақида хабарлар тарқатилган эди.
Қайд этиш керакки, Хамес жорий мавсумда 13 та учрашувда майдонга тушиб, битта гол киритди.
