Сайтимиз орқали айтиб ўтганимиздек, Хитойнинг "Гуанчжоу Эвергранд" клуби 100 минг мухлисни ўз бағрига сиғдира оладиган стадион қуриш ишларини бошлади.

Айтишларича, стадионнинг дизайни ва ташқи кўриниши ғояси клуб хўжайини Сю Чжайинга тегишли экан. Гулни эслатиб юборувчи ушбу стадион кўриниши Гуанчжоу шаҳри "Гуллар шаҳри" деб аталишини англатади.

"Эвергранд"нинг янги стадиони 2022 йили клублар ўртасидаги бўлиб ўтадиган Жаҳон чемпионатига тайёр бўлмайди. 2023 йили бўлиб ўтадиган Осиё Кубоги ўйинлари эса Гуанчжоу шаҳрида ўтказилмайди. Осиё Чемпионлари Лигаси ўйинларини инобатга олмаганда, 2025 йилгача янги стадионда ҳеч қандай йирик Ҳалқаро мусобақалар ўтказилмайди.