"Манчестер Сити" ярим ҳимоячиси Лерой Сане Бундеслигага қайтиши мумкин. "Бавария" 24 ёшли футболчининг трансферини ёзда амалга оширишни режалаштирмоқда.
"The Sun" тарқатган хабарга кўра, мюнхенликликлар "Сане" учун шаҳарликларга 60 миллион евро атрофида пул таклиф қилишмоқчи. Ушбу сумма "Сити"ни қаноатлантириши мумкин, чунки германиялик футболчининг жамоа билан шартномаси 2021 йилнинг ёзида якунига етади.
Эслатиб ўтамиз, Сане оғир жароҳат туфайли ушбу мавсумни ўтказиб юборди. У яқиндаги машғулотларга қайтди. У "Манчестер Сити" сафида 4 мавсум давомида жами 134та ўйинда майдонга тушиб, 34та гол урди ва 45та голга узатма берди.