Москванинг "Спартак" ва Россия терма жамоаси собиқ ҳужумчиси Роман Павлюченко москваликлар таркибида ижарада ўйнаётган Дортмунднинг "Боруссия" клуби футболчиси Андре Шюррленинг трансферини сотиб олмасликка қилган қарорига муносабат билдирди.
"Спартак" учун Шюррле ҳеч нарса қилгани йўқ. Тўғри, у Жаҳон чемпиони, жамоада етакчи бўлишни хоҳлаганди, ҳамма ундан шу нарсани кутганди. У бўлса буни уддалай олмади.
Ундан "Спартак" клубига фойда бўлмади. Нега? Факторлар кўп, у нима учун Россияга келганини билмаймиз-ку?! Балки, у учун биринчи ўринда пул бўлиши мумкин. Унинг қандайдир фойдаси теккан бўлиши мумкин, лекин жуда кам.
Мен бошқа чемпионатларда ўйнаган Шюррлени Россияда кўрмадим. Аввалги Шюррледан асар ҳам қолмади. Жамоа у билан яхши ўйнамади.
Бизнинг чемпионат шунақа: ҳатто Роналду ва Мессилар келиб, ўйнаб кета олмасликлари мумкин. Улар Европада бошқа футболчилар, бу ерга келса умуман бошқа футболчиларга айланиб қолишади", - деди Павлюченко.
Шюррленинг трансферини сотиб олиш учун "Спартак" 7 миллион евро тўлаши керак эди. Шюррленинг "Боруссия" билан тузилган шартномаси 2021 йилнинг ёзигача мўлжалланган.
