“Интер” “Наполи” ҳужумчиси Дрис Мертенс билан шартнома имзоламоқчи. Миланликлар футболчи борасида таклиф ҳам юборишди.
Журналист Никола Скиранинг хабар беришича, “Интер” футболчига икки йиллик шартнома таклиф қилмоқда. Мертенс янги клубида бонуслардан ташқари йилига 6 миллион евро ишлаб топиши мумкин.
Маълумот учун, Мертенснинг неполликлар билан шартномаси мавсум якунида ниҳоясига етади. У “нерадзуррилар” сафига текинга ўтиши мумкин.