“Наполи” ҳужумчиси Аркадиуш Милик “Ювентус” билан шартнома борасида келишиб олди. Бу ҳақда Radio Kiss Kiss хабар тарқатмоқда.
Манбанинг хабарига кўра, ҳужумчи туринликлар билан шахсий шартнома борасида келишиб олди. Энди “Ювентус” футболчи борасида “Наполи” билан келишса бўлгани. Аввалроқ, “Юве” Милик трансферига Федерико Бернардескини қўшиб бериши тўғрисида хабарлар тарқалганди.
Эслатиб ўтамиз, Миликнинг “Наполи” билан шартномаси 2021 йилда якунига етади. У “адзуррилар” билан янги шартнома имзолашни хоҳламаяпти.