Sport Mediaset порталининг тарқатган маълумотига қараганда, Туриннинг "Ювентус" клуби бош мураббийи Маурицио Сарри авваллари ўзининг қўл остида тўп сурган футболчиларни ҳозирги жамоасига таклиф қилишда давом этмоқда.

Сарри "Челси" клуби ярим ҳимоячиси Жоржиньо ортида энди "Наполи" ҳужумчиси Дрис Мертенсни жамоага олиб келишни клуб раҳбариятидан талаб қилмоқда.

"Наполи" клубининг бельгиялик футболчисининг шартномаси ушбу йилнинг ёзида ўз якунига етади, шунинг сабабли, у янги жамоасига эркин агент сифатида ўтиши мумкин.

Лекин бир нарсани унутмаслик керакки, Мертенс "Наполи" клубига нисбатан ҳурматини сақлаган ҳолда, "Ювентус" клубига эмас, балки, кўпроқ "Интер" сафига ўтиши кутилмоқда.