Замонавий бешкураш халқаро иттифоқи (UIPM) президенти Класс Шорманн ташкилот янги мусобақалар тақвимини тузиш устида иш олиб бораётганлиги ҳақида баёнот берди ва миллий федерацияларга бу ҳақида маълум қилди.
Спортнинг бошқа турлари каби замонавий бешкураш ҳам коронавирус пандемиясидан зарар кўрди. Юқумли касаллик тарқалиши муносабабти билан чегаралаш чоралари кўрилгани учун UIPMнинг Жаҳон кубоги ва Жаҳон биринчилиги белгиланган муддатларда ўтказилмади.
– Биз замонавий бешкураш халқаро иттифоқи (UIPM) Ижроия қўмитаси доирасида 2020 йилнинг кейинги ойлари ва 2021 йилда ўтказиладиган мусобақлар муддатларига аниқлик киритмоқдамиз, – деди Клаус Шорман. – Токио Олимпиадаси цикли тўрт йилдан беш йилга узайтирилганлиги сизни қийин аҳволга солиб қўйганлигини биламан. Энди “Токио-2020” Олимпиадаси 2021 йилнинг 23 июлидан 8 августигача ўтказиладиган бўлди. Аммо бутун спорт олами ҳудди шундай вазиятга тушганлигини ёддан чиқарманг.
– Бу сизлар учун Олимпия ўйинларига тайёргарлик кўриш яна 12 ойга чўзилганлигини англатади, – дея алоҳида таъкидлади Клаус Шорманн. – Ушбу ҳолат ҳозирги кунда сизнинг замонавий бешкураш билан зарур даражада шуғуллана олмаслигингизни ҳам англатади. Аммо ҳозирги қора туйнук охирида нур кўринмоқда. Олимпиада машъаласи ҳали ҳам Токиода порлаб турибди ва бизни кутмоқда.
