"Ювентус" ярим ҳимоячиси Аарон Рэмзи жамоа ҳужумчиси Криштиану Роналду ўзига ва бошқа жамоадошига қандай муносабатда бўлишини айтиб ўтди.

"Роналду ақл бовар қилмас футболчи бўлишдан ташқари, у жуда яхши инсон. У футбол тарихидаги энг яхши ўйинчилардан бири. Мен клубдаги биринчи машғулотдан сўнг ошхонага бордим. У эса мени ўз ёнига ўтириш учун таклиф қилди. Биз кўп гаплашдик ва у менда ажойиб таассурот уйғотди. Мен дарҳол хотиржам бўлдим. Роналду — ажойиб инсон. У ўз жамоадошларини яхши кўради ва машғулотларда ҳамиша тўла куч билан ишлайди", — деди Рэмзи "Football Italia" нашрига берган интервьюсида.