Англиянинг "Манчестер Юнайтед" клуби собиқ ҳужумчиси Димитар Бербатов «Ньюкасл» клубини Маурисио Почеттино бошқаришини хоҳлаётганини яширмади.
«Агар ОАВ орқали тарқалаётган хабарлар ўз тасдиғини топса ва Маурисио Почеттино «Ньюкасл» клуби бош мураббийи этиб тайинланса, бу клуб учун катта фойда бўлади. Бундай тажрибали мураббий жамоани бошқарса, кўплаб юлдуз футболчилар клубнинг таклифига рад жавоб бера олмайди.
Мени билишимча, «Ньюкасл» раҳбарияти жамоага Гарет Бэйлни таклиф қилмоқчи. Мен уларни бошқа юлдуз футболчиларга ҳам қизиқиш билдираётганига шубҳа қилмайман. Бироқ, Почеттинонинг бош мураббий этиб тайинланиши уларнинг устувор вазифаси бўлиши керак», — деди Димитар Бербатов.
