Англиянинг «Эвертон» клуби ҳужумчиси Мойзе Кин карантин вақтида қизлар билан ўз уйида дискотека уюштирди.

The Sun нашрининг тарқатган маълумотига қараганда, 20 ёшли ҳужумчи ўзининг Чеширдаги уйига дўстлари ва қизларни таклиф қилган. Ўша кечадаги расмлар Snapchat гуруҳи орқали «Карантиндан тозаланиш» сарлавҳаси остида интернетда тарқалди.

«Ёввойи тусда бўлиб ўтган кеча эрталабгача давом этди. АПЛ юлдузи бўлган бу футболчи ишламаётган бўлсада, маош олмоқда. Бу воқеа ишидан айрилган ёки маоши қисқартирилган одамларни хафа қилиши аниқ. Улар ўзларини қонундан юқори деб ҳисоблайдилар», – деди манба.

«Эвертон» клуби ўз ҳужумчисининг ҳатти-ҳаракатларини кескин қоралади. «Клуб ҳар доим ҳукуматнинг барча тавсияларига, шу жумладан уйда ва кўчада ўзини тутиш қоидаларига риоя қилиш муҳимлигини таъкидлайди. Биз барча ходим ва футболчиларга расмий хабарларни юборамиз», – дейилади клуб баёнотида.