Дания футбол иттифоқи президенти Йеспер Меллер 2021 йили бўлиб ўтадиган Европа чемпионати ўйинлари бекор қилиниши мумкинлиги ҳақида фикр билдирди.
Европа чемпионати ўйинларини ўтказиш вақти «Тур де Франс» мусобақаси билан бир хил пайтга тўғри келиб қоляпти. Велопойганинг дастлабки уч босқичи Данияда бўлиб ўтади.
«Европа чемпионатининг Копенгагенда ўтказилиши 50 га 50. Биз уни ўтказишга тайёрмиз, аммо биз буни ҳамкорларимизнинг ёрдамисиз қила олмаймиз», - Меллернинг сўзларидан иқтибос келтирмоқда Sky Sports.
Якуний қарор 30 апрелга қадар қабул қилиниши кутилмоқда.
