Италиялик журналист Никола Скиранинг хабарига кўра, "Милан" "Бенфика"нинг 20 ёшли футболчиси Флорентинога жиддий қизиқиб қолди. Ярим ҳимоячининг шартномасидаги товон пули 120 миллион евро этиб белгиланган.
Манбанинг хабарига кўра, "россонерилар" футболчининг нархини пасайтиришига ишонишмоқда. Қолаверса "Милан" португалияликларга Флорентино ўрнига Лукас Пакета ва қўшимча пул варинтини ҳам таклиф қилишмоқда.
Маълумот учун, Флорентинонинг ўзи ҳам клубини алмаштиришга тайёр. У ҳозирги жамоасида етакчи футболчи эмаслигидан норози.
Эслатиб ўтамиз, Флорентинони Португалияда "янги Погба" деб аташмоқда.
