"Барселона" "Интер" ҳужумчиси Лаутаро Мартинесни қўлга киритиш учун яширин қуролини ишга солди. "Барса" сардори Лионель Месси ҳамюрти билан боғланди. Бу ҳақда Marca нашри ёзмоқда.
Манбанинг хабарига кўра, Месси Лаутарони каталонияликлар сафига ўтишга чорлаган. Трансфер ёзги трансфер ойнасидаёқ амалга ошиши мумкин.
Эслатиб ўтамиз, "Барса" футболчи учун 111 миллион евро тўлашга тайёр эмас. "Қизил-анорранглилар" Лаутаро ўрнига бир нечта футболчиларини таклиф қилмоқда. "Интер" эса аргентиналик футболчисини алмашмоқчи эмас.
