Ҳуқуқий жиҳатдан Миланнинг "Интер" клубига тегишли бўлган, айни пайтда фаолиятини «Кальяри» клубида ижара асосида ўтказаётган Раджа Нейгголан Туриннинг «Ювентус» клубига бўлган муносабати ҳақида фикр билдирди.
«Мен ҳеч қачон «Ювентус» клубига ўтмаган бўлардим. Йилда атиги бешта ўйин ўтказиб, қўлга киритган чемпионлигимни ҳис қилмаган бўлардим. Шунинг учун, чемпионликни "Ювентус" билан эмас, "Рома" билан бирга қўлга киритишни афзал деб биламан. "Ювентус" учун ўнта совринни қўлга киритиш одатий хол. Мен уларга ўтишга қарши бўлганимни доим айтиб келганман», — деди 31 ёшли бельгиялик футболчи ўзининг Instagramдаги расмий саҳифасида.
