Италиянинг «Брешия» клуби ҳужумчиси Марио Балотелли олдин «Ювентус» клубига ўтишга яқин келган экан. Бироқ, якунда «Манчестер Сити»дан кетган Марио бошқа клубни танлаган.
«Манчестер Сити»даги фаолиятидан кейин «Ювентус»га ўтишга яқин тургандим, лекин сўнгги дақиқаларда менга Адриано Галлиани қўнғироқ қилди ва мен "Милан"га йўл олдим. «Милан» клубидан аниқ таклиф бўлганди ва мен қарорни қабул қилганман.
Мен «Милан» клуби мухлисиман ва бу танловни чин кўнгилдан қабул қилганман. Ўша пайтларда «Милан» турнир жадвалининг ўрталарида юрарди ва «Ювентус» клубига ўтиш олдинга ташланган қадам бўларди, лекин мен фақат «Милан»ни хоҳлаганман, - деди Балотелли.