Франциянинг "Пари Сен-Жермен" клуби ҳимоячиси Тьяго Силва муддатдан олдин якунига етган Франция чемпионатида ғолиб чиққанлиги ҳақида фикр билдирди.

"Мен саккиз йил ичида еттинчи марта Франция чемпиони бўлганим учун фақатгина Худога шукур қиламан. Мен бундай совринларга оиламнинг, дўстларимнинг ва мухлисларнинг ёрдамисиз эриша олмасдим. Мен ушбу совринни мухлисларга, бутун дунё бўйлаб коронавирусга қарши курашаётган шифокорларга ва барча тиббий ходимларига бағишлайман. Иложи борича майдонга тезроқ қайтишимиз учун улар курашмоқдалар. Бу фаолиятимдаги жуда ғалати чемпионлик. Лекин биз буни кейинчалик албатта нишонлаймиз, чунки чемпионликка муносиб эдик", - деб пост қолдирди Силва ўзининг "Instagram"даги саҳифасида.