Англиянинг «Манчестер Юнайтед» клуби собиқ дарвозабони Андерс Линдегорнинг фикрича, сэр Алекс Фергюсон клубдан кетаётганидан кейин жамоа сочилиб кетди.

«Фергюсон «Манчестер Юнайтед»дан кетаётганида жамоа эмас, оила эди. Клубнинг ҳар бир аъзоси ўзини муҳимлигини ҳис қиларди. Ҳатто, бизнинг кийимларимизни ювадиган қизлар ҳам биз учун ўзларининг нақадар муҳим эканликларини билишарди.

Фергюсон ҳамма нарсани ўз жойига қўйиб кетди. У кетиши билан ҳамма нарса сочилиб кетишини биларди, лекин барибир кетди. Фергюсон ҳатто ўзига шогирд тайёрламаган.

Тўғри, "Манчестер Юнайтед" кўплаб йиллардан бери АПЛда ғолиб бўла олмаётганида Фергюсонни айблашади. Сэр узоқ йиллар мобайнида ҳамма нарсани ўз қўл остига қуриб олганди. Энди, жамоавий ўйинни ташкил қилиш учун кўплаб ишлар қилиниши керак. Сульшер бу билан шуғулланяпти. Асосийси, уни эрта ҳайдаб юборишмаса бўлгани», — деди Линдегор.