Angliyaning «Manchester Yunayted» klubi sobiq darvozaboni Anders Lindegorning fikricha, ser Aleks Fergyuson klubdan ketayotganidan keyin jamoa sochilib ketdi.
«Fergyuson «Manchester Yunayted»dan ketayotganida jamoa emas, oila edi. Klubning har bir a’zosi o‘zini muhimligini his qilardi. Hatto, bizning kiyimlarimizni yuvadigan qizlar ham biz uchun o‘zlarining naqadar muhim ekanliklarini bilishardi.
Fergyuson hamma narsani o‘z joyiga qo‘yib ketdi. U ketishi bilan hamma narsa sochilib ketishini bilardi, lekin baribir ketdi. Fergyuson hatto o‘ziga shogird tayyorlamagan.
To‘g‘ri, "Manchester Yunayted" ko‘plab yillardan beri APLda g‘olib bo‘la olmayotganida Fergyusonni ayblashadi. Ser uzoq yillar mobaynida hamma narsani o‘z qo‘l ostiga qurib olgandi. Endi, jamoaviy o‘yinni tashkil qilish uchun ko‘plab ishlar qilinishi kerak. Sulsher bu bilan shug‘ullanyapti. Asosiysi, uni erta haydab yuborishmasa bo‘lgani», — dedi Lindegor.
