«Интер»нинг аргентиналик ҳужумчиси афтидан Примера чемпионининг сафига ўтишга яқин турибди.
22 ёшли аргентиналик Лаутаро Мартинес "Барселона" клуби сафига ўтишга розилик бергани ҳақида Mundo Deportivo нашри хабар тарқатди.
Нашрнинг маълумотига қараганда, Лаутаро Мартинес «Интер» клуби томонидан бўлиши кутилаётган янги шартномани узайтиришдан бош тортди ва бутун диққат-эътиборини Испания гранди сафига кўчиб ўтишга қаратди.
Қайд этиш керакки, сўнгги пайтларда тарқатилган маълумотларга қараганда, Италиянинг "Интер" клуби ўз ҳужумчисининг трансферидан 90 миллион евро ишлаб олиш ниятида.
