Англиянинг "Ливерпуль" клуби ҳимоячиси Деян Ловрен карантин даврида уйда нималар билан шуғулланаётгани ҳақида ўртоқлашди.
«Тўртта девор орасида ўтириш осон иш эмас. Бир ярим ойдан бери ўзимизни изоляция қилиш шартларига дош бериб келяпмиз. Тўғрисини айтганда, ҳаммасидан ҳам кўра кўпроқ руҳий босимдан қийналяпман. Имкон қадар уйда самарали равишда машқ қилишга ҳаракат қиляпман. Ўғлим билан уйимизнинг орқасида футбол ўйнаб турибмиз. Лекин, «Ливерпул»нинг анъанавий машғулотларига ҳеч нарса тенг кела олмайди.
Ҳатто шундай шароитда ҳам ғайратли бўлишга ҳаракат қиляпман. Аммо, ҳар куни бу ишни қилиш қийин. Бироқ, инсонни хурсанд қиладиган томони шундаки, ортиқча вазн ташлашга эришдим», — деди Деян Ловрен.
