"ПСЖ" собиқ бош мураббийининг фикрича, унинг жамоаси ўша учрашувга тайёр эди.

2017 йили «Барселона» клуби ЕЧЛнинг 1/8 финал жавоб учрашувида "ПСЖ" клубини 1:6 ҳисобида мағлубиятга учратган эди. Дастлабки учрашувда Эмери бошчилигидаги парижликлар дастлабки учрашувда 4:0 ҳисобида ғалаба қозонишганди. Эмерининг фикрича, учрашув бош ҳаками Дениз Айтекин қўпол хатога йўл қўйган.

«Агар мендан битта нарсани танла деб сўрашганида, ҳакамни алмаштиришни танлаган бўлардим. Кавани гол киритганидан кейин, Ди Мария бирга-бир вазиятга чиқиб бориб қўполлик учраганида бош ҳакам пенальти белгиламаганди.

Яна бир муҳим жиҳат – «Барселона» футболчилари, айниқса Луис Суарес бош ҳакам уларнинг тузоғига тушмагунича жарима майдончамизга кирибоқ йиқилаверишди», – деди мураббий.

Эслатиб ўтамиз, Эмери айни пайтда ишсиз юрибди. Унинг сўнгги ҳайдалган жойи Лондоннинг «Арсенал» клуби бўлди.