Sports.ru сайтидаги "Донской писатель" блоги қизиқ рамзий терма жамоани тузиб чиқди. "Ростов" сафида ўйнаётган пайтда ўз терма жамоаси сафида кўп ўйинга тушган легионерлардан рамзий жамоа тузилди.
Эътиборли томони, ушбу жамоадан 3 нафар ўзбекистонлик футболчи — Николай Ширшов, Андрей Акопянц ва Элдор Шомуродов ўрин олишди. Блогер барча 11 нафар ўйинчига изоҳ бериб ўтди, жумлада, бизнинг йигитларга ҳам.
Николай Ширшов, Андрей Акопянц — шубҳасиз, ўз вақтида ҳам "Ростов", ҳам Ўзбекистон терма жамоасининг юлдузли футболчилари. Ҳар икки легионер клуб шарафини 6 йил давомида ҳимоя қилди. Андрей Акопянц эса ҳамон клуб тизимида ишламоқда. Улар "Ростов" билан шартнома имзолаганидан кейин ўз термалари сафида 30дан ортиқ ўйинда майдонга тушишган. Афсуски, уларнинг аниқ статистикасини билишнинг имкони бўлмади.
Элдор Шомуродов — ҳозирда Ўзбекистон терма жамоасининг асосий юлдузи. У бир неча марта Ўзбекистон термаси тарихидаги энг яхши тўпурар бўлиш нияти борлигини маълум қилган эди. Катта эҳтимол билан у бу маррани забт этади. Фақатгина ўтган йили у ўз мамлакати термаси сафида 12та ўйинда майдонга тушиб, 13та гол уришга муваффақ бўлди. Элдор "Ростов"га ўтганидан кейин Ўзбекистон терма жамоасида 24та ўйинда майдонга тушди.
