Англиянинг «Манчестер Сити» клуби ҳужумчиси Серхио Агуэро узоқ йиллардан бери Англия Премьер-Лигасида ўйнаб келмоқда, бироқ, "Ливерпуль" ҳимоячиси Вирджил Ван Дейкка қарши ўйнаш у учун қийинлигини айтиб ўтди.
«Мен АПЛга тез мослашдим ва бу ерда ҳимоячилар қандай ҳаракат қилишини ҳамда қандай қилиш гол уриш кераклигини осон ўргандим. Бу ўрганишим ҳозиргача иш беради, бироқ, Вирджил Ван Дейк деган ҳимоячи бор, барча режаларимни бардор қилади.
Биламиз, Ван Дейк дунёнинг энг кучли марказий ҳимоячиларидан бири. У бунга ҳақли. У кучли, баланд ва ақлли футболчи.
Ундан қочиб кетиш мумкиндир, лекин у ҳар доим тўғри вақтни танлайди ва кераксиз ҳаракат қилмайди, шунинг учун у доим керакли позицияда туради. Мен ҳеч қачон Вирджилни асабийлашганини кўрмаганман.
Мен ҳужумчи сифатида барча дриблингларни ишлатишни яхши кўраман, лекин бунинг учун ҳимоячи менга ҳужум қилиши керак. Ван Дейк эса доим масофа сақлаб қўриқлайди, бундай паллада ҳимоячидан қочиб кетишни имкони йўқ», — деди Агуэро.
