Франциялик футболчи Луис Суарес билан бўлиб ўтган жанжалдан кейин ҳақиқий даҳшатни бошдан кечирган.

Англиянинг "Манчестер Юнайтер" клуби собиқ ҳимоячиси Патрис Эвра Луис Суарес билан бўлиб ўтган жанжални ёдга олди. Уругвайлик футболчи ўшанда «Ливерпуль» клубида ўйнарди ва Эврага ирқий муносабатда бўлганди. 2011 йилда франциялик футболчи ҳар куни турли хил таҳдидлар остида қолаверди.

«Менга: «Биз ҳозир турмадамиз, турмадан чиққанимизда сени ва оилангни ўлдириб юборамиз» деб хат юборишганди. Худди шундай хатларни икки ой давомида олдим. Ҳар тарафимда хавфсизлик ходимлари бор эди, тансоқчилар билан бирга юрадиган бўлиб қолгандим. Нима учун инсонлар мени бу даражада ёмон кўришларини тушунмасдим. Улар шунчаки ҳақиқатни билишмаган.

Ўшанда Суарес менга: «Менга тегма, мен қора танли инсонлар билан гаплашмайман»-деганди. Биз буни ҳал қилиш жараёнига борганимизда эса у ёлғон гапиришни бошлади. Ўшанда у "negro" сўзи "дўст" маъносини англатади деб ўйлаганини айтганди.

Барибир у барчасини тан олганди ва уни саккизта учрашувга дисквалифиция қилиш билан бир қаторда, катта миқдордаги жаримага ҳам тортишганди», – деб эслади Эвра.

Эвра кейинчалик Суарес билан муносабатларни яхшилашга муваффақ бўлди. Учрашувларнинг бирида улар қўл бериб саломлашишганди.