«Реал» клуби собиқ ҳужумчиси Уго Санчес «қаймоқранглилар»га янги ҳужумчи кераклигини айтиб ўтди.

– Бугунги «Реал»га янги марказий ҳужумчи керакми?
– Албатта. «Реал»га жарима майдони ичидаги янги "қотил" керак. Худди мен каби, Роналду каби. Криштиану узоқ йил давомида «Сантьяго Бернабеу»да бу ишни аъло даражада уддалади. Шунинг учун жамоага янги форвард керак.

– Сизга Бензема ёқмайди?
– Қандай қилиб у менга ёқмаслиги мумкин? У юқори савиядаги форвард, лекин "қотил" эмас, соф ҳужумчи.

Карим — иккинчи ҳужумчи сифатида ажойиб. Ўз вақтида Бутрагеньо шундай вазифани бажарган бўлса, мен Криштиану каби бўлганман. Эмилио ва мен бир-биримизни жуда яхши тўлдиргандик. Каримнинг олдида "қотил" бўлса, у яхши ҳаракат қилади.

Аввал менга Харри Кейн ёқарди, аммо у кўп жароҳат олгани туфайли бир жойда тўхтаб қолди. Левандовски эса энди ёш эмас. Шу боис, "қотил"ни топиш осон бўлмайди", – деди Санчес.