Испаниянинг «Хетафе» клуби президенти Анхель Торрес Европа Лигасининг 1/8 финал ўйини август ойида ўтказилиши ҳақида хабар берди.

— УЕФА бизга Европа Лигасининг 1/8 финал ўйини бошқа муддатга қолдирилиши аниқлиги ҳақида огоҳлантирди. Дастлабки учрашув 2 ёки 3 август куни Милан шаҳрида ишқибозларсиз ўтказилиши, жавоб учрашуви эса 6 ёки 7 августга режалаштирилган. Агар "Сан-Сиро" ва "Колисеум Альфонсо Перес"ларда бўлиб ўтадиган учрашувни коронавирус туфайли ўтказишни иложиси бўлмаса, у ҳолда икки учрашув ҳам нейтрал майдонда бўлиб ўтади, — деди Торрес Calciomercat билан суҳбатда.