Каталониянинг «Барселона» клуби президенти Хосеп Мария Бартомеу яқинлашиб келаётган трансфер бозорида Неймарни қайтариш учун барча ишни қилишга тайёр эканлигини айтиб ўтди.
«Неймар – бизнинг трансфер бозоридаги асосий мақсадимиз. «Барселона» ушбу футболчи билан шартнома тузиши учун барча билимимни ишга соламан. Ўйлайманки, бу ишни ўзимизга зарар етказмаган ҳолда амалга ошираман. Айтмоқчиманки, биз катта маблағ сарф қилмаймиз ва асосий футболчиларимизни бермаймиз. Шу тарзда биз музокара олиб боришга тайёрмиз.
Бизнинг жуда кўплаб футболчиларимиз Европанинг кучли клублари нишонида туришибди. Нельсон Семедуга «Пари Сен-Жермен» қизиқмоқда, Усмон Дембелега ҳам парижликлардан таклиф бор. Тодибо, Ракитич ва Умтити эса камида учтадан таклифга эга», — деди Бартомеу.
