Ушбу рукнимиздаги энг сўнгги янгиликлар билан таништиришда давом этамиз.
Лаутаро вс Суарес?!
“Интер” жамоаси ҳужумчиси Лаутаро Мартинес “Барселона” раҳбарларидан ишонч кредитларини қабул қилиб олди.
“Sport.es” нашри берган хабарларга қараганда, каталонияликлар Мартинесга Суарес жамоада бўлишига қарамай асосий таркибдан жой тақдим этилишини вада қилишган.
Манба берган хабарларга қараганда, футболчи клуб билан шахсий шартномаси борасида аллақачон келишувга эришиб бўлган. Эндиликда, “Барса” “Интер” билан трансфер суммасини пасайтириш борасида музокаралар бошлайди.
Моуриньо ишсиз қолиши мумкин
Лондоннинг “Тоттенҳем” жамоаси бош мураббийи Жозе Моурино келаси мавсумда ишсиз қолиши мумкин.
“Talksport” нашри берган хабарларга қараганда, агар португалиялик мураббий келаси мавсумнинг илк турларидаёқ кучли тўртликка кира олмаса, истеъфога чиқарилади. Манбанинг маълум қилишича, бу борада мураббийни ҳам огоҳлантиришган.
Эслатиб ўтамиз, Жозе келаси мавсумда пандемия туфайли клубдан трансферлар учун катта маблағ олишга қодир эмас.
Черешев ортга қайтиши мумкин
Испаниянинг “Валенсия” клуби ярим ҳимоячиси Денис Черишевни ёзда РПЛ клубларидан бири билан шартнома имзолаши мумкин.
АS нашри берган хабарларга қараганда, футболчи рус клублари билан аллақачон шахсий шартнома борасида келишувга эришган. Унга кўра, “Локомотив”, “Зенит” ва “Спартак” Денис учун йилига 2,5 миллион евро маош тўлашга тайёр.
Эслатиб ўтамиз, “Валенсия” ёзда россиялик футболчини трансферга қўйишга қарор қилган.
“Галатасарай” футболчиси АПЛда?!
Туркиянинг “Галатасарай” жамоаси ҳимоячиси Кристиан Луйиндама ёзда “туманли албион”га кўчиб ўтиши мумкин.
Бу ҳақида Туркиянинг “Miliyet” нашри маълум қилмқода. Унга кўра, 26 ёшли футболчининг ҳизматлари билан “Астон Вилла” ва “Вулверҳемптон” жамоалари қизиқиш билдирган.
Эслатиб ўтамиз, ҳимоячи 2019-йилда жамоа сафига келиб қўшилган бўлиб, Туркия чемпионатининг 21 та ўйинида майдонга тушган.
Пянич рози бўлди
Туриннинг “Ювентус” жамоаси ярим ҳимоячиси Миралем Пянич “Барселона” жамоасига кўчиб ўтишга рози бўлди.
“Le Gazzeta Della Sport” нашри берган хабарларга қараганда, футболчи Сарри қўл остида тўп сурмаслик учун клубдан кетишга қарор қилган.
Эслатиб ўтамиз, Каталония клуби Пянич учун Артур, Артуро Видал ёки Иван Ракитични “Ювентус”га таклиф қилиши кутилмоқда.
