Нигериялик ҳужумчи Одион Игало қийин вазията тушиб қолди. Ҳужумчи "МЮ" сафида ижарада ҳаракат қилмоқда ва у жамоада қолмоқчи. Аммо, "Манчестер Юнайтед" футболчига доимий шартома таклиф қилмаяпти.
Игалонинг трансфер ҳуқуқи "Шанхай Шеньхуа"га тегишли. Хитой клуби футболчини қайтариб, ҳафтасига 400 минг фунт маош тўлашга тайёр. "Шанхай" Игалога 2024 йилгача мўлжалланган янги шартнома таклиф қилмоқда.
Маълумотларга кўра, агар Игало Хитой клуби билан шартномани узайтирса, унга Англияда мавсумни якунлаб қўйиш учун рухсат берилади. Унинг ижара муддати 30 июнь куни ниҳоясига етади. Июль ойида эса Хитой чемпионати бошланиши кутилмоқда.
