«Реал» Ла лига доирасида уй учрашувларини Вальдебебасдаги базасида жойлашган кичик стадионда ўтказадиган бўлди. Клуб Испания футбол федерациясидан тегишли рухсатномани олди.

«Мадрид» камида 2021 йилнинг январь ойигача шу стадионда ўз ўйинларини ўтказади. Ушбу аренада "Кастилья" ўз уй учрашувларини ўтказади. Испания ҳукумати томошабинларнинг стадионга киришига рухсат берганидан кейингина жамоа «Сантьяго Бернабеу»га кўчиб ўтади.

Шунингдек, «Реал» Чемпионлар лигаси учрашувини ҳам базадаги аренада ўтказиши мумкин. Эслатиб ўтамиз, мадридликлар ўз уйида ўтказилган нимчорак финал босқичининг дастлабки ўйинида «Манчестер Сити»га 1:2 ҳисобида имкониятни бой беришган эди.

Юзага келган танаффусдан фойдаланиб, жамоа «Сантьяго Бернабеу»даги реконструкция ишларини тезлаштиришга қарор қилишди.

«Реал» мавсум охиригача ўз майдонида «Эйбар», «Валенсия», «Мальорка», «Хетафе», «Алавес» ва «Вильярреал»га қарши майдонга тушиши керак.