Машғулотларга қайтган Мадриднинг «Реал» клуби дарвозабон Тибо Куртуа ўзининг ҳозирги ҳолати бўйича фикр билдирди.
- Ўзимни ноодатий ҳис қиляпман, лекин машғулот ва майдон ҳисси — уйда бекор ўтиргандан анча яхшироқ. Биз тиббий қўлқоп ва тиббий ниқобларда, бир биримиздан икки метр узоқликда жойлашиб машғулот олиб боряпмиз. Мен агар мавсум охиригача етказилмай қолса, "Реал"ни чемпион деб эълон қилиш керак деб, ҳеч қачон айтмаганман, лекин, агар биз қолган 11 та учрашувни ишонч билан ўйнасак, аминманки, у ҳолда совринли бўла оламиз, - деди Куртуа Marca билан суҳбатда.
