«Барселона» клуби собиқ ярим ҳимоячиси Рональд Де Бур нима учун Филиппе Коутиньо каталонияликлар ўйинига мослашиб кета олмагани ҳақида ўз фикрини билдириб ўтди.

«Коутиньо шундай футболчи эдики, «Ливерпуль»нинг ўйини у орқали ташкил этилган эди. «Барселона»да эса у Мессига нисбатан камроқ иш бажарарди.

Гап шундаки, "Барса"да ҳамма биргаликда ягона машина сифатида ишлайди. Агар мудофаа ишида бир футболчи қатнашмаса, бу балки нормал ҳолат бўлиши мумкин. Агар клубда тўпни яхши кўрадиган икки ўйинчи бўлса, жамоанинг ҳимояси заифлашиши мумкин.

Ўйлашимча, биз буни «Барселона»да кузатдик. Жамоада бу ишни бажариши мумкин бўлган бир футболчи бор. Бу — Месси. Жамоа унга мосланган. Клубнинг иккита ўйинчига мослашиши эса қийин масала.

Мен Коутиньони ажойиб футболчи деб ҳисоблайман, аммо у баъзида "бошқотирма"га тушмаслиги мумкин. У бошқа клубда ажойиб ўйнаб кетади. Бу унинг ёмон ўйинчи эканини англатмайди. Агар "Барселона"да ўйнаб кета олмасангиз, бу сизнинг ёмон эканингизни англатмайди. Баъзида сизнинг услубингиз жамоа ўйинига мос келмаса, баъзида омадингиз келмайди. Баъзида эса сиз бажарадиган вазифани Месси бажарсаю, сиз ўзингизга унча мос келмаган бошқа вазифани бажаришингизга тўғри келса, бу ҳам омадсизлик», — деди Де Бур.