Англиянинг «Манчестер Сити» клуби ҳужумчиси Рахим Стерлинг дўстларининг қариндошлари, ҳатто узоқ қариндошлари коронавирусдан вафот этганини айтиб ўтди.
«Коронавирус – ҳазил эмаслигини билгандим. Уйда ўтириш эълон қилинганидан сўнг, мен ҳам, оила аъзоларим ҳам уйда қолдик, кўчага чиқмадик.
Футбол дунёдаги энг муҳим нарса деб айтмайман, аммо, футбол тадбирлари, айниқса Премьер-Лига ўйинлари бекор қилинса ҳаммаси жиддий эканлигини тушунасиз.
Дўстимнинг буваси вафот этди. Менинг қариндошларим ҳам коронавирусдан вафот этишди. Бу инфекциянинг олдини олиш учун барча кучларни ишга солиш керак.
Мен қўрқмайман, бироқ, ўзимни ва яқинларимни ҳимоя қилишга ҳаракат қиламан», — деди Рахим Стерлинг.