"Манчестер Юнайтед" ярим ҳимоячи Сауль Ньигеснинг трансфери бўйича "Aтлетико" билан музокараларни давом эттирмоқда.
"Todofichajes"нинг ёзишича, клублар ўйинчининг якуний нархини келишиб олишга муваффақ бўлишган. "Матрасчилар" раҳбарияти Саулнинг нархини 150 миллион евродан (шартномада кўрсатилган товон пули) 80 миллион еврогача ("Манчестер Юнайтед" спорт директори Эд Вудворднинг сўнгги таклифи) камайтиришга рози бўлди.
Таъкидланишича, Мадрид клуби айни пайтдаги молиявий ноаниқлик туфайли нархни туширишга рози бўлган, чунки коронавирус эпидемияси сабабли футболчиларнинг нархи кескин пасайиши мумкин.
Манбанинг таъкидлашича, Ньигеснинг сотиб олиниши "Юнайтед"га Пол Погбани сотишга ва бу орқали Саулга сарфланган пулнинг катта қисмини қоплашга имкон беради.
