Трансферларсиз «Сити»нинг таркиби қандай кўринишда бўлар эди?
Бугунги кунда “Манчестер Сити” трансферлар учун барчадан кўп пул сарфлаётган жамоалардан бири саналади. Айниқса, жамоа рулига Пеп Гвардиола келгач, бу янада яққол кўзга ташлана бошлади. Афсуски, трансферлар сабабли клуб академиясидаги футболчилар ўзларини тўлиқ намойиш эта олмаяпти. Бир тасаввур қилип кўринг, агар жамоа сафида фақат академия тарбияланувчилари ҳаракат қилишганида, таркиб қандай кўринишда бўлар эди?
Дарвозабон
Каспер Шмейхел (33 ёш, трансфер қиймати - 9,5 миллион евро)
Эътиборлиси шундаки, Каспер 7 йил давомида “шаҳарликлар” академиясида шуғулланади. Афсуски, асосий таркибда жуда кам ўйин ўтказди. Ўша даврларда Жо Харт умуман алмаштириб бўлмас футболчи сифатида даниялик дарвозабонга имконият қолдимагани боис, Каспер “Ноттс Каунт”га йўл олди. Бугунги кунда “Лестер” жамоаси дарвозасини қўриқлаб келмоқда.
Ҳимоячилар
Киран Триппьер (29 ёш, трансфер қиймати - 28 миллион евро)
“Тоттенҳем”даги ўйинлари билан омма эътиборига тушан футболчи “шаҳарликлар” академиясида 9 йил таҳсил олганидан хабарингиз борми? Киран 2007-йилда “Манчестер Сити” билан профессионал шартнома имзолаганидан-чи? Афсуски, футболчигашартномаси бўла туриб ҳам бирорта учрашувда майдонга тушиш насиб этмади. Турли клублардаги ижаралардан сўнг, уни “Тоттенҳем” сотиб олади.
Айни дамда “Атлетико” шарафини ҳимоя қилаётган қаҳрамонимиз Симеоненинг энг ёқимтой футболчиларидан бири саналади.
Бен Ми (30 ёш, трансфер қиймати - 8 миллион евро)
Бен узоқ муддат “Сити” академияси ва ёшлар жамоасида тўп сурганига қарамай, асосий жамоага қадар кўтарила олмади. Оқибатда уни “Бёрнли”га 2011 йилда ижарага бериб юборишди. Ижара сўнггида камтарин клуб ҳимоячини трансфер суммасини тўлаганча ҳимоячини ўз сафида олиб қолди.
Айни дамда ҳам қаҳрамонимиз “Бёрнли” шарафини муносиб ҳимоя қилиб келмоқда.
Жейсон Денайр (24 ёш, 12 миллион евро)
Жейсон 2014-йилда илк бор “Сити” билан профессионал шартнома имзолагач, 2018-йилга қадар кучли рақобат сабабли “Селтик”, Галатасарой” ва “Сандерленд” сингари жамоаларда ижара асосида тўп сурди.
2018-йилда “Лион” иқтидорли ҳимоячи учун “Сити”га 6,5 миллион евро тўлади ва уни ўз футболчисига айлантирди.Динайр бугунги кунда “Лион”нинг чинакам етакчиларидан бири бўлишга улгурган.
Пабло Маффео (22 ёш, трансфер қиймати - 2,4 миллион евро)
Пабло 2013-йилда “Манчестер Сити” академиясига қабул қилинади. Афсуски, “шаҳарликлар” футболчи учун бир бора имкон беришмади ва “Жирона”га ижарага бериб юборишди. Эътиборлиси шундаки, Маффео Испанияда чинакамига ўзини намойиш этишга муваффақ бўлди. Кейинроқ, “Сити” иқтидорли футболчини “Штутгарт”га 9 миллион евро эвазига сотиб юборди. Афсуски, Бундеслига Паблонинг ўйин услубини қабул қилмади шекилли, у захирага михланиб қолди. Кейин у яна “Жирона”га қайтиб кетди.
Ярим ҳимоячилар
Денис Суарес (26 ёш, трансфер қиймати - 9,5 миллион евро)
Денисни барча “Барселона” академияси тарбияланувчиси деб тахмин қилади. Аслида ундай эмас. Суарес “Манчестер Сити” академиясида 3 йил шуғуллангач, айтарли ҳеч нарсага эриша олмайди ва Испанияга қайтиб кетади. Кейин “Барселона”даги омадсиз мавсумдан сўнг, мухлислар эътиборидан четда қолади.
Қаҳрамонимиз бугунги кунда “Сельта” шарафин муносиб ҳимоя қилиб келмоқда.
Фил Фоден (19 ёш, 27 миллион евро)
Фил болалигидан бери “Манчестер Сити” мухлиси саналади. 8 ёшида клуб академиясидан жой олган футболчи барча ёш тоифаларидаги жамоаларда сардор сифатида тўп суради ва асосий жамоага қадар кўтарилади. 17 ёшида дебют учрашувида майдонга тушган Фоденнинг келажаги порлоқ. Боз устига, Пеп уни Давид Силванинг ўринбосари сифатида кўрмоқда.
Рони Лопеш (24 ёш - трансфер қиймати 10 миллион евро)
“Шахарликлар” ёшлар жамоасининг чинакам етакчиси Рони Лопеш барчанинг тилига тушганига қарамай, асосий жамоадан таклиф келиб тушмади. Асосий жамоадаги рақобат туфайли “Монако”га ўтиб кетди.
“Монако” Лопешни 12 миллион еврога сотиб олди ва кўп ўтмай 25 миллион эвазига “Севилья”га пуллаб юборди. Лопеш бугунги кунда ҳам Андалусия шаҳрида истиқомат қилмоқда.
Жейдон Санчо (20 ёш, трансфер қиймати - 117 миллион евро)
2015-йилнинг март ойида “Манчестер Сити” ёшлар жамоасига келиб қўшилган Санчо Фил Фоден сингари асосий жамоага ўтиши тахмин қилинган эди, бироқ якунда барча тамомила ўзгача кўриниш олди. Кутилган ишонч кредити тақдим этилмагач, футболчи “Боруссия Дортмунд”га ўтиб кетди. Энди уни қўлга киритишни истаганлар 117 миллион евро тўлашларига тўғри келади. Ваҳоланки, дортмундликлар бир мавсум илгари Жейдон учун атиги миллион евро тўлашган эди,холос.
Ҳужумчилар
Даниел Старриж (30 ёш, трансфер қиймати - 8 миллион евро)
Аслида Старриж доимо иқтидорли футболчи саналган, бироқ тинимсизжароҳатлар унинг карьерасини барбод қилди. “Рақслар устаси”нинг жароҳатлари сабабли “шаҳарликлар” у билан шартнома имзолашдан бош тортишади. Кейин “Челси”, “Ливерпуль” сингари жамоаларда тўп сурган футболчи бугунги кундажамоасиз қолиб кетди.
Келечи Ихеаначо
2014-йилда клуб академиясига ташриф буюрган ҳужумчи бир йил ўтиб асосий жамоада дебют қилади. Нигериялик атлетқанчалар урунмасин, Агуэро ва Жезуссингари ижрочиларга рақобатни бой бериб қўяди. Кейин, “шаҳарликлар” уни 28 миллион евро эвазига “Лестер”га сотиб юборишди.
Аввалига Ихеаначо “тулкилар”га мослашиб кета олмади, бироқ ҳозир ҳаммаси ўз жойида.
