Павлодар шаҳрининг клуби йўқ бўлиб кетиши хавфи остида турибди.
Pavlodarnews нашрининг тарқатган маълумотига қараганда, Вилоят раҳбари Абилкаир Скаковнинг айтишича, «Иртиш» клубининг тўпланган қарзлари жамоанинг кейинги ривожи учун тўсқинлик қилишини мумкин. Айниқса, легионер футболчиларнинг маошларини тўлаб бериш клубнинг оғриқли нуқталаридан бири бўлиб турибди.
«Мен ҳам ҳар бир ҳамшаҳарларим сингари "Иртиш" клубига ишқибозлик қиламан. Аммо, бугунги кунда легионерларга иш ҳақини иш ҳақини тўлаш билан боғлиқ ҳаражатларни қоплаш учун бизда маблағ манбаси йўқ. Бу клубнинг Премьер-лигада иштирок этиш имкониятини хавф остига қўйган. Шу сабабли, спорт бўлими футбол федерацияси билан биргаликда клубни инқироздан чиқиш учун энг мақбул ечимни топиш устида ишламоқда», - деди Павлодар ҳокими.
Эслатиб ўтамиз, апрел ойида ўтказилган аудит текшируви кўплаб қонунбузарликларни аниқлаган эди. Хусусан, солиқ ҳисоботининг ишончсизлиги туфайли, клубнинг 973,9 миллион тенге солиқдан қарзи бор.
