Pavlodar shahrining klubi yo‘q bo‘lib ketishi xavfi ostida turibdi.

Pavlodarnews nashrining tarqatgan ma’lumotiga qaraganda, Viloyat rahbari Abilkair Skakovning aytishicha, «Irtish» klubining to‘plangan qarzlari jamoaning keyingi rivoji uchun to‘sqinlik qilishini mumkin. Ayniqsa, legioner futbolchilarning maoshlarini to‘lab berish klubning og‘riqli nuqtalaridan biri bo‘lib turibdi.

«Men ham har bir hamshaharlarim singari "Irtish" klubiga ishqibozlik qilaman. Ammo, bugungi kunda legionerlarga ish haqini ish haqini to‘lash bilan bog‘liq harajatlarni qoplash uchun bizda mablag‘ manbasi yo‘q. Bu klubning Premyer-ligada ishtirok etish imkoniyatini xavf ostiga qo‘ygan. Shu sababli, sport bo‘limi futbol federasiyasi bilan birgalikda klubni inqirozdan chiqish uchun eng maqbul yechimni topish ustida ishlamoqda», - dedi Pavlodar hokimi.

Eslatib o‘tamiz, aprel oyida o‘tkazilgan audit tekshiruvi ko‘plab qonunbuzarliklarni aniqlagan edi. Xususan, soliq hisobotining ishonchsizligi tufayli, klubning 973,9 million tenge soliqdan qarzi bor.