Football.London порталининг тарқатган маълумотига қараганда, ҳуқуқий жиҳатдан Италиянинг "Интер" клубига тегишли бўлган, айни пайтда Мюнхеннинг «Бавария» клубида ижара асосида тўп сураётган Иван Перишичга Лондоннинг «Тоттенхэм» клуби қизиқиш билдирмоқда.
«Шпорлар» ўз ҳужум чизиғини кучайтиришни хоҳламоқда ва 31 ёшли хорватиялик футболчининг трансфери арзон тутиши мумкин, бу эса коронавирус пандемияси туфайли клубга жуда мос келади.
Эслатиб ўтамиз, «Бавария» Перишичнинг трансферини «Интер» клубидан 20 миллион евро эвазига сотиб олишдан бош тортди.
