Каталониянинг "Барселона" клуби ҳимоячиси Ксавье Муямба ёзги трансфер бозорида жамоани тарк этиши мумкин.
Voetbal International нашрининг тарқатган маълумотига қараганда, Европанинг бир қатор топ-клублари 18 ёшли футболчи билан шартнома имзолаш ниятида юришибди.
Жумаладан, нидерландиялик Муямбага "Реал", "Ювентус", "Интер" ва "Челси" клублари жиддий қизиқиш билдиришмоқда.
Муямба "Барселона" клубига ўтган йилнинг ёзида келиб қўшилганди, бироқ асосий таркибда ўйнаш имкониятига эга бўлмади ва асосан жамоанинг U-19 таркибида ўйнаб келмоқда.
