Европа клублари аста-секин карантиндан чиқиб, машғулотларга қайтишмоқда. Яқин кунларда Англия жамоалари ҳам машғулотларни бошлаб, АПЛни давом эттиришга тайёргарлик кўришади.

Аммо Англияда мавсум бошланган тақдирда ҳам томошабинлар яқин орада стадионларга кира олишмаса керак. АПЛнинг 2020/2021 йилги мавсуми ҳам бўш стадионларда ўтиши мумкин.

"Мен Англия соғлиқни сақлаш вазирлиги ва тиббиёт департаменти бошлиғининг ҳисоботини кўрдим. Унда ёзилишича, фуқароларнинг соғлиғи билан вазият яқин 6-12 ой ичида ўзгармайди. Буни инсонлар тушунишлари керак. Биз ҳар қандай вариантга тайёр бўлишимиз керак", – деди АПЛнинг тиббиёт масалалари бўйича маслаҳатчиси Марк Жиллетт "The Guardian" нашрига берган интервьюсида.

Аввалроқ Премьер-лигаси клубларига кичик гуруҳларда машғулот ўтказишга рухсат берилгани ҳақида хабар тарқалган эди.