Бразилия терма жамоаси афсонавий футболчиси Роберто Карлос 2007 йили «Челси» клубига ўтишга яқин келганини тан олди.

— Менда «Фенербахче» ва «Челси» клубларидан таклиф бор эди. Лекин, "Челси" билан музокаралар муваффақиятсиз ўтган эди, шунинг учун «Фенербахче» клубига йўл олгандим. Аммо, «Челси»га ўтишга жуда яқин келгандим. Барча нарса тайёр эди, фақатгина шартномага имзо қўйишим қолганди, холос.

— Бу воқеа «Фенербахче»га келишимдан бир ҳафта олдин содир бўлганди. Мен Парижда эдим ва Роман Абрамович билан учрашгандим. Афсуски, сўнгги дақиқаларда нимадир бўлдию, ушбу битим амалга ошмай қолди, бундай ҳодисалар футболда бўлиб туради. Мен Англия чемпионатига, Англия чемпионати менга мос келишига 100 фоиз амин эдим, — деди Карлос.

47 ёшли бразилиялик футболчи 2012 йили футболчилик фаолиятини якунлаган эди. У фаолияти давомида «Интер», «Реал», «Коринтианс» ва «Анжи» клубларида ўйнашга улгурган.