Мадриднинг "Реал" клуби ярим ҳимоячиси Родриго Гоэс мавсумнинг эҳтимолий тикланиши тўғрисида фикр билдирди. 

"Биринчи ҳафтада биз кўпроқ якка тартибда шуғулландик, бироқ энди биргаликда машғулот ўтаяпмиз. Энди биз бир биримизга пас беришимиз, дарвозага зарба йўллашимиз мумкин. Мана бу футбол, секин-секин одатий ҳаётга қайтяпмиз. 

Мен карантин вақтида уйда шуғулландим, қилишим керак бўлган барча ишни қилдим ва ҳозир ўзимни яхши ҳис қиляпман. Мураббий ва унинг ходимлари томонидан берилган барча топшириқларни бажардим. Мен шу тарзда давом этишим керак. Аста-секин юқори даражамизга қайтамиз.

Ла Лига қайтиши ҳақида яхши билиб турибмиз, астойдил ҳаракат қиламиз ва мусобақа бошланганда ўзимизнинг энг яхши ўйинимизни кўрсатамиз. Биз Ла Лигани ютмоқчимиз", -дейди Родриго.