Туриннинг "Ювентус" клуби ҳимоячиси Жорджо Кьеллини Леонардо Бонуччи нима учун «Милан» клубига ўтганини тушунмаслигини айтиб ўтди.

Леонардо Бонуччи 2017 йили «Ювентус» клубидан «Милан» клубига кўчиб ўтганди, бироқ, орадан бир йил ўтгач у ортга қайтганди.

«Унинг бир йиллик умри «Милан»да шунчаки даҳшатлик ўтди. Бонуччи ўзи хоҳлаган клубга ўтмагани ойдек равшан эди. У – ажойиб ҳимоячи. Унинг «Милан»га ўтиши мантиқсиз эди. Ўйлайманки, буни ўзи ҳам тушуниб етди.

Агар Бонуччи «Реал»га кўчиб ўтганида буни тўғри тушунган бўлардим. Совринлар учун кураш олиб бораётган клубда ўтиш – қизиқарли. Лекин «Милан»дан нима фойда эди? Ўша пайтда «Россонерлар» «Кекса синьора»дек кучли эмаслиги маълум эди, — деди Кьеллини.