Turinning "Yuventus" klubi himoyachisi Jordjo Kyellini Leonardo Bonuchchi nima uchun «Milan» klubiga o‘tganini tushunmasligini aytib o‘tdi.

Leonardo Bonuchchi 2017 yili «Yuventus» klubidan «Milan» klubiga ko‘chib o‘tgandi, biroq, oradan bir yil o‘tgach u ortga qaytgandi.

«Uning bir yillik umri «Milan»da shunchaki dahshatlik o‘tdi. Bonuchchi o‘zi xohlagan klubga o‘tmagani oydek ravshan edi. U – ajoyib himoyachi. Uning «Milan»ga o‘tishi mantiqsiz edi. O‘ylaymanki, buni o‘zi ham tushunib yetdi.

Agar Bonuchchi «Real»ga ko‘chib o‘tganida buni to‘g‘ri tushungan bo‘lardim. Sovrinlar uchun kurash olib borayotgan klubda o‘tish – qiziqarli. Lekin «Milan»dan nima foyda edi? O‘sha paytda «Rossonerlar» «Keksa sinyora»dek kuchli emasligi ma’lum edi, — dedi Kyellini.